終於做左埋線雙眼皮~~~~~

叫我帥哥

終於做左埋線雙眼皮~~~~~


文章超長~~ 唔知有無人睇@@

幾個月前睇過一個sis既post話去深圳既高醫生度整形雙眼皮好好~
睇過之後覺得價錢又平又抵咁多人做過，決定左都要去做，
無奈地，聯絡左高醫生好多次，都無人回復我~ 然後就不了了之~

2個月前，有一個同frd飲茶，無啦啦覺得她靚女左好多~ 但睇又睇唔出又咩唔同，原來她系偷偷地去加左工。她話自己介紹左好多朋友去整，都整得好靚。廢話唔多講~~~ 咁緊系即刻問她攞左個醫生wechat,,, 即刻約時間啦~~~~~~

咁其實去得大陸整~ 有咩系好既呢~？
好簡單，1. 貪價錢平 2. 經驗多~ 大陸人口咁多，整眼=食飯

形容下當時整眼既~~~
個日同媽媽&一個朋友一起去~ （始終第一次整眼，點都搵多d人陪覺得有安全感多d）
我地系落馬洲過關~ 因為個地方系福田~ 都既方便來回。

去到落馬洲搭一個站~MTR就到~行5分鐘左右就到個個地方~~~
其實去到都有小小唔系好想整，因為我之前都去深圳質詢過好多私人美容院，人地個D都系整系私人豪宅入面，
尼個就系普通既洋樓，其實都有d驚驚地

企系樓下個陣真係好想走，但我媽同frd就話~尼都尼到，上去咨詢下，唔啱咪走~~~
最尾都上左去~~~ 入面系好似一個私人住宅改建做一個美容院。
個女人出尼開門比我地，一睇就系整容過分左-_-.........
but anyway la... 我地都繼續入去。

量度雙眼皮過程-------------------

過左一陣，個女醫生+2個助理都帶左我一間房入面量度我雙眼皮既位置~
無錯~距地都系用牙籤~ 唔知點解大陸真係咁中意用牙籤-_-....
量左一下傾左一下~~~ 我要求唔誇張自然既雙眼皮~~~
醫生都話我既面唔適合一d誇張既雙眼皮（都幾好人），結果我地又傾得好好~
我出翻去同屋企人傾左一陣決定都系系度整

整眼過程------------------

2個助理系入面幫手，咁醫生就系度準備d手術既野~
我問屋企人可唔可以入尼睇住我做（始終系大陸出咩意外好驚架嗎）
醫生就話唔比，因為系做緊手術，避免有干擾~~
於是媽媽&朋友就系出面等我~

助理叫我除鞋訓上床度~（一張手術床），之後距幫我cum被. 雙手就捉住我，不停叫我唔好緊張~~~
我真係好緊張~因為未做過~~~ 距地就不停叫我放鬆~因為如果太緊張，打麻醉就會特別腫同埋會出血多。
唉，無辦法~我都仲系好緊張。。但麻醉都仲未打。。-_-。。。。

醫生幫我再畫多一次線系眼皮度，不停叫我“張開眼”“閉眼”畫好曬就開始打麻醉

終於到打麻醉~ 醫生幫我吉左四針去眼皮度~ 其實都有痛楚，我標左小小眼水~~~
打完第一只眼既麻醉~我已經feel到眼腫-_-... 其實原來打麻醉都唔系超級痛，之後第二隻眼就開始放鬆~
所以the result 系一隻眼腫d 一隻眼無咁腫~~

打完麻醉~醫生就開始系我隻眼上面穿針埋線~~~ 尼個時間就一d都唔痛了~~~不過都系個句啦
醫生都系不停叫我張開眼，閉眼~ 打完麻醉隻眼真係完全無力~~~ 仲不停叫我“望高d望高d..”

來來回回，大概20-30分鐘啦~~~雙眼皮就做好做~~~~~~ 助理幫我敷左陣冰~~~~
我就可以行得。。。真係好快~~~ 之後消炎藥呀~~ 清理傷口既藥醫生就話要自己買~因為距地唔可以賣比客人

做完其實一d都唔腫，我仲同屋企人走去隔離既鋪食川菜-_-....話曬都尼到大陸，點可以唔食翻餐先走~~

消腫過程-------------------------
醫生講左 雞牛羊海鮮，辛辣野唔食得，除左整完即刻去食川菜之外~之後我都戒口戒得好好~~~
翻到屋企就系度搵如何護理雙眼皮既資料~~
d資料就話頭3日敷冰~~打後就熱敷，一個禮拜不能掂水

第一晚---------------
唔腫~不過就不停敷冰~無時無刻都系度敷冰，同埋麻醉過左就有小小痛楚
夜晚即刻食左消炎藥~同埋用眼藥水清理傷口

第二日---------------
起身個陣~都feel到腫~~ 望鏡個陣都接受到~~~ 左眼有小小淤血，右眼完全無事，
於是第二日既節目都不停敷冰~~~~食藥~~~~~

第三日------日頭----------
消腫竟然消得好快~~ 其實我第三日已經唔系特別腫~~可能休息得好+敷冰好勤力~
不過左眼眼頭都系有小小淤血~~ 真系好少~~~~右眼依然安全無事-_-

第三日------夜晚------
我見左眼淤血都仲系度~~~ 之後就改左熱敷~因為熱敷系可以散淤血~~
於是~第三日夜晚就系用熱敷既方法

第四日------ 同朋友出街------
唉~要同朋友出街~有小小驚~~ 不過起身就唔系好腫~~即刻冰敷完都可以見得人~~
於是我就早小小起身冰敷+熱敷~~~~
化左小小妝就出去見人~~~~~朋友竟然乜都睇唔出-_-
我心 （言念） 到底系我整得唔明顯定系我真係回復得好-_-
見第一個朋友睇唔出~見第二個朋友都系睇唔出

哈哈~~~~~~~~大致上就系咁啦~唔知有無人睇呢，我都系想分享自己做雙眼皮過程比各位Sis。。。
因為香港真係幾難搵到尼d post系講雙眼皮~希望幫到台灣和香港的你地啦~...

Maco

真的!現在整型做雙眼皮好普遍就跟喝水吃飯沒什麼兩樣!!但手術普遍方式就多種，慎選方式很重要的，像是現在有割的縫的訂的!!割的都會留下不自然的疤痕，一旦留下都消不掉，縫的又不牢固，比起現在先進的訂書針雙眼皮也是有在細分於多種方式可以做，也是有完全無痕又自然穩固的可以選，我妹就選擇有保障的更讓人安心呢！

gogosnow

樓主未整前既雙眼皮都唔錯！

整完睇落好自然