(我是香港人)有關整雙眼皮的感受經驗

PDF

(我是香港人)有關整雙眼皮的感受經驗
我見好多姊妹都好想知呢方面0既問題
我就即管講下本人0既經驗同大家分享一下
我都試過用雙眼皮貼, 同膠水
我覺得唔係咁好
用眼皮貼好易俾人睇到
化妝更加係唔方便
而且唔係次次都貼得好
經常要又貼又滅
淨係要貼雙眼皮好多時我都要用半個鐘先整得令2 c& U1 X5 \0 E. w1 i2 e& a% `. U
真係好麻煩
但大家知唔知道其實咁好易令眼皮變鬆
因為本人試過大約年半後 雙眼皮個邊雙眼皮變少左
我好驚連唯一0既雙眼皮都冇埋, 於是我改變左唔用眼皮貼, 轉左用膠水
用膠水, 比較上易掌握
不過都有佢0既唔好處
例如, 要洗去膠水時冇疑要大力一點
其實咁都好易整鬆d眼皮
原理等同捽眼一樣
我估呢點唔使同大家詳談
另外如果d膠水遇到水咁就好麻煩
會變到一pat pat, 仲衰
化左妝之後仲衰
成個妝都要冇埋
曾經我睇到d美容院廣告話咩$800一次M% Q7 g3 k
但呢樣我建議大家唔好信
因為我問過做過呢方面0既朋友
佢地都話唔係一次就得
好多時都係做完一次, 可能唔得
又或者只可以keep到一個月 / 長一點0既時間
都係要再做第2次...第3次...第4次.....其實係永冇止境
所以之後我就把心一橫走去搵醫生整
我搵0既醫生係係中環個邊0既
一次大約$7000左右
不過一次就成功了, 很開心
另外我唔贊成去外地 (不論韓國定大陸)
因為萬一發生問題要追究時比較麻煩
費時, 又因法律問題而追究冇門
所以我覺得搵香港0既醫生比較好
一來語言沒有問題
二來香港法律比較保障到我地
三來有咩事都比較易去追究同尋找該醫生
所以大家千萬唔好貪平
其實香港整都唔係好貴, 而且安全一d
其實找醫生整都有分兩種, 有割的, 有做吊線
我朋友的家姐就做割, 但好深, 同好假
我自己就做吊線
好處係如果唔喜歡可以隨時返去拆除
我去到醫生會同我講解一下
然後就問我想整0既雙眼皮高度要幾多
我自己就冇要求, 我叫醫生幫我決定
因為我認為醫生的決定比較pro, 而且比較自然
之後醫生先幫我影了一次未做手術前0既相片
而且量度好高度後, 給我看看大約效果是如何
得我同意後, 就正式做手術
我訓係個手術床上
醫生用好像紙的東西蓋住我的面, 只剩下雙眼的位置置空
醫生先蓋上右眼, 然後在我左眼旁打下麻醉針(兩下)
其實我好怕痛, 曾經因為要抽血仲暈左 (因為太驚)
所以個次我用左好大0既勇氣........
個兩下都算係痛, 但都唔叫得上好痛
可能係我0既勇氣關係, 我就捱過左
之後醫生驗證一下我是否真正被麻醉了才動手術
醫生在我眼皮的頭, 中, 尾 3點用線串了起來
全程我都係有感覺, 只係唔覺痛
then 剪下線尾, 就完成一邊
右眼都同樣如是者的做
整個手術, 都不用5分鐘就完成, 非常之快
之後醫生要求我full一個冷凍了的眼膜
那就是在屈x氏/萬x 一個膠eye mask裡面係有液體個d
Afull上30分鐘, 佢就再叫我入去
然後俾我睇到整左雙眼皮個樣
老實說, 我唔係真係睇得到個效果
因為當時我雙眼 冇帶con 而且眼皮上係有一點"魚:血,同埋腫, 呢個係好正常0既反應
之前醫生都同我講左
所以我可以話係當時係睇唔到真正出黎0既效果係點
但anyway 都做左, 就唔好理咁多
我只係係咁點頭, 同埋好開心, 好興奮
雙眼皮....我終於可以擁有你
後尾醫生同我影左張相, 證實已經做左手術, then就等姑娘叫我名俾藥我食
其實個d藥係消炎藥同,止痛藥
之後姑娘都有問我駛唔駛買個d eye mask 我一定冇買啦
因為我屋企都有, 佢仲要賣係 $30個, 都痴線
咁姑娘就叫我之後最好每日早晚自行 full一次 個d冷凍左0既 eye mask,流等資訊。( h; }. @9 D$ D1 P6 因為可以消腫 我當然之後有跟住做
然後姑娘都有問我買唔買一d生理鹽水用黎做平日護理洗下眼皮個度呢樣我都冇買
因為我覺得只要用清潔0既水做護理就可以了,
唔可以咁樣俾錢佢賺, 所以都係冇要到
最後姑娘又叫我一個月去覆診, 當然呢樣我都冇做到
因為之後都冇咩事, 所以唔理佢, 又係想慳錢......
之後我0既情況, 都係有眼腫(比較多)同"魚"痕(比較少)
同之前咁講, 我呢個情況係好正常0既
所以我都唔擔心
不過我就足足一個月冇同朋友去街
平日都帶眼鏡遮住
可能我本身對"魚"痕個d都比較難消, 所以我一個月咁耐啦
但醫生都係話大約2個星期至一個月度
咁醫生都冇呃我
一個月之後我已經完全消哂腫同"魚"對眼就比以前靚, 連朋友都係咁話
個個都話好自然, 一d都唔似整出黎
所以真係好開心
so far 我整左 3-4年, 到依家都冇走樣
d人話整完眼皮會鬆我覺得係荒謬0既
起碼係我身上就冇呢個情況發生
而我朋友個家姐做割眼皮個隻比我更耐
差不多10年 都冇呢個情況
所以我認為如果負擔得起
呢個先係解決問題0既方法
希望我呢個小小0既經驗可以幫助大家去了解一下
同埋 俾大家認識一下呢樣野
如果有問題問, 都可以問我0既, 我好樂意幫助大家
(當然係要我識先可以答你喔 )
希望大家睇完之後回一下post
我呢篇野真係都打得幾辛苦
唔好俾我呢個經驗石沉大海喔 謝謝

inachen

我男朋友本來也不讚成我去弄雙眼皮,但自己想要有一雙漂亮的眼睛,但又怕弄醜了不能補救,所自己找了好久,也問了好久,我還以為縫完後就變漂亮了,結果縫完一出來,沙布貼著雙眼,自己去偷照鏡子.....真醜,但回來後,幾天熱敷後改為泠敷,大約一星期就消了,大家也都讚美我縫的不錯,很平均,花了不到一萬元讓我擁有漂亮的雙眼,自己覺得心情好美麗喔!

abbylj

可否介绍几间香港ge医院做双眼皮好ge，或者你喺边间整ge~~thx！！

105life

香港不熟
只知道台灣好的.