|
台灣隆鼻分享 (圖已刪) 醫美版上首頁不是件好事
各位朋友,岩岩發覺點解多左咁多奇怪留言,本來打算同大家有意整鼻既朋友做分享,但可能太多人睇依個Po 搞到上去discuss live .. 我唔想因為公開share資訊仲要比人批評咁有壓力唔知為乜,所以我要delete晒 post既相喇。多謝咁多位支持
多謝各位讚美,我唔expect個個話我靚,只要比我本身鼻形有改善到已經好開心. 依個地方只要個PO一上左首頁就會出現好多惡意評論
同埋我係專門打比搵緊資料既sis或brother 睇. 文字依舊保留.
終於隆左鼻得閒po下分享文,係酒店好悶!幸運地我係依度識左個sis 叫G 佢係過黎重修加高少少既!得到佢既幫助令到我既整容之路容易行左好多.. 始終有個有經驗既一齊去真係好重要!係度要多謝佢 啊G~ 同埋真係建議大家搵個伴一齊互相照顧,又有人傾下計
做手術頭3日係我廿幾年人最痛苦既日子.. 不過為左同一d有興趣整鼻既sis share 下就不防回顧下依幾日既情況。我同我媽媽分別係高雄2位最出名既醫師度整。點解我地分開整?因為佢本身陪我之後自己又心思思想整埋一分,我果間佢book 唔到而且咨詢過程佢覺得未有十足信心所以我就帶左佢去一間高大上既診所度見醫師,又比佢book 到時間,仲要同我同日同時間做tim!
我係做肋骨隆鼻
肋骨隆鼻,舒眠麻醉既情況下,訓醒已經整好!因為我比多左TWD 1萬請個註冊麻醉師睇實我,所以我冇一般人嘔吐,咳血既情況,手術後無幾耐我已經醒左,肋骨位反而唔太痛(好似比人打左2權咁),咳或要用腰力時候會痛d..
第一日做完手術喉嚨超痛... 因為佢插喉.. 隆完鼻塞晒,喉嚨超痛每吞一啖口水都好痛苦 食唔到太多野,鼻塞住食野真係好慘,又要食又要吸氣,夜晚食左個杯面就喉嚨好少少不過都係好痛個止血綿係咁滲血水出黎要係咁換,依個情況去到第二晚都仲係咁.. 我媽媽做既卡麥拉第二日已經可以拆止血綿,但佢拆左後依然呼吸唔到,我要捱多一晚,第3日出去洗頭同拆止血綿,一拆左真係爽晒... 止血綿全部都係鼻涕,我竟然要忍受2條咁既野係我鼻窿度住左2晚
其間我地去便利店買左好多現成既薏仁水,推薦sis 飲,好好味... 去到第3日,我同我媽媽本身由眼角瘀青一路到依加面豬dum漲晒好似啊Gem扮金魚咀咁!但就唔見有黃.. 都係腫脹咁。而我媽媽到左第三日都可以用鼻抖氣喇!
只要忍過頭3日,之後既日子就舒服多⋯
因為我同我媽媽係由2位高雄最出名既醫師整(d人成日搵佢地對比)而且我同媽媽既要求都好相似,佢要外國人既鼻而我要混血既 所以我都好期待過幾日拆線拆板後既分別。就咁睇我同佢都整得幾成功!我鼻孔仲超對稱tim
|
|