雙眼皮吊線分享

夜店王

雙眼皮吊線分享

今次同大家分享我自己既雙眼皮，自己由細到大都系屬內雙，而且我既眼皮有厚厚脂肪，所以即使有用雙眼膠水定膠紙，都撐唔起個眼皮，撐得起都系幾個小時就打回原形。



上圖為未做吊線前既內雙水腫眼。。。

然後有次膽粗粗，一年前跟左朋友去大陸一齊做五點定位吊線。起初未入手術室前真系勁緊張，但入到去除左打麻醉落眼皮個下系有微微痛既感覺之外。基本上之後已經再冇痛既感覺，成個過程醫生不停叫你開眼合眼系咁重複。大概半小時後做完出手術室外訓上床休息敷冰之後就可以翻香港。不過好不幸，我第一次既吊線雙眼皮起8個月後宣告死亡右邊眼完全系鬆晒，唔化妝系塌左落黎，化妝用膠水先叫免強撐得住。



上圖為術後八個月後既素顏

上圖為術後八個月後with make-up



之後我就搵過第二醫生幫我拆過第一次既吊線，重新整過六點定位吊線雙眼皮。今次同醫生傾左好耐我想要點既雙眼皮，醫生好細心咁幫我設計好雙眼皮之就入手術室開始麻醉吊線，做既過程同第一次一樣都系會叫我不停開合眼，但今次有別於上次就系醫生會間中問我會唔會痛有冇不適。我覺得依個醫生好細心，加分！第一次個醫生幫我做吊線期間仲要同個助護系咁嘈交，嚇到我驚醫生攞我對眼皮黎出氣今次既手術醫生順便幫我割走眼皮過多既脂肪出黎，令吊線既結可以更穩固同時令雙眼皮更深。



上圖為第二次六點定位吊線
由於今次叫醫生幫我整深啲，啲結都會打實啲，所以消腫既時間會耐啲，起碼三個月先會系慢慢自然。

今次整形醫生手勢好好，幾乎冇瘀青咁。上圖眼尾位系我自己敷冰訓著左導致凍傷左
我系上年年尾做第二次吊線，到依家已經半年，系時候可以同大家分享自己個雙眼皮啦



希望台灣的大家中意我個雙眼皮分享啦

到茶局老大

感謝分享

術後效果有出來喔

讚讚讚