岩岩整完釘書機式雙眼皮

到茶局老大

岩岩整完釘書機式雙眼皮

台灣&香港朋友晚安

爬左咁耐文啦係香討..

講講自己雙眼先，本身我內雙 同大細眼 都係腫腫地 我由14 歲開始膠紙 膠水 膠網 唔想痴成世 ..經常係度見到好多絲打返大6搵高醫生 但我都係唔安心係大陸整形 有咩事都唔知可以點，早幾個月問左香港唔同顧問上去咨詢，諗左好耐選擇左銅鑼灣某間。最後選擇整釘書機式同抽上眼皮脂方。

今日上到去等左陣 醫生就黎度位 佢話我眼本身大細眼 整完冇可能兩邊都好一樣 我問醫生可唔可以再整高d個位 醫生話再高唔自然 咁我當然信佢啦 後尾就開始啦

過程大概45 分鐘，整左右眼先，應該打左3-4 支針係眼皮同眼皮入面，打既時候佢都拍一拍我 好似安慰緊我 亦分散左我少少注意力，痛既程式都接受到 因為我都好驚打針同怕痛 同好快手。之後都冇乜感覺 知佢係我眼皮整緊 但唔知整緊咩咁既感覺 差唔多搞掂就feel到醫生大力拉扯 呢幾下就開始覺得幾痛下 但我忍住 唔知麻醉散左定點 .


後尾就整左眼 打麻煩都係一樣 但左邊眼感覺大大，痛d,醫生另一隻手掂一掂到我剛整完隻右眼 我都覺得都幾痛. 兩邊整哂 當中臨尾都會叫我開合眼比佢睇 但其實有難度 因為我feel到我腫到好似連開眼能力都冇乜，之後就fu冰 要壓一壓住眼果個位 個下兩隻眼皮都幾痛下 未fu前個種痛 係痛到上額頭 眼眉同左右面峽 ..

後尾fu完冰大概20 分鐘 醫生開左消炎 消腫 抗生素比我 簽埋小小罰就離開

7 點幾走 到而家仲痛緊 不過冇岩岩整完咁痛

希望快點消腫啦！兩邊腫到唔對稱 不過醫生有講好多都會腫到唔對稱 期待中

等左呢日好耐 其實做呢樣野都需要好大勇氣 又擔心左好耐 話整整左好多年都未整 但見到好多sis整完好靚 ！其實內雙真係困擾左好多 痴得多膠紙又搞到成日3雙眼