未整雙眼皮，但係整咗內眼線！「附before&after圖」

叫我帥哥

未整雙眼皮，但係整咗內眼線！「附before&after圖」


前幾日開咗個post話想整雙眼皮，未整雙眼皮但係今日去咗整內眼線XD

戴眼鏡嗰幅係素眼！其他兩幅就係今日整完眼線影嘅~~

全程兩個鐘左右~因為我一上到去就話好怕痛！所以眼線師就話幫我敷耐d麻藥~平時敷15分鐘，佢幫我敷足半個鐘：p 半個鐘後，先整右眼，整完一次就再敷d麻藥，跟手整左眼~整完又敷d麻藥喺左眼，跟手返去右眼再整，之後返左眼整埋，咁就大功告成啦！

痛就唔痛，不過流眼水嗰時沖咗d麻藥落隻眼度就有少少乸！眼線師紋嘅時候，支針桔下桔下咁，有d癢！整體黎講無乜特別唔舒服，尚可接受~我本身好怕痛㗎！不過真係完全唔痛~反而係聽住支針 "dee dee"聲有d驚 XD

整形完之後會流眼水，流眼水會有d乸，同埋隻眼好似掹掹緊咁，唔咁大力擘大對眼，始終係傷口，驚會扯到！
而家返到屋企兩個鐘lu~敷咗陣冰好好多！係眨眼嘅時候feel到好"冤"!

佢話頭七日唔好濕水，真係濕到就即刻用紙巾印乾佢~其實保養步驟同飄完眉差唔多，係爭在眼線無野搽，條眉就有野搽~
一般兩個月後d色就會settle晒，到時可以去補色，而通常會keep到兩至三年，視乎每個人嘅新陳代謝！
我搵呢間係因為個同事個表妹做咗，幾好咁，我跟手就睇吓佢facebook,又覺得ok喎！咁就揀咗佢啦~
希望甩完焦之後唔會無晒色啦！好期待以後唔洗化妝就可以返工呀

*ps*整咗hkd1600

gogosnow

挖，樓主嘅眼好大啊！
點解唔考慮去做手術雙眼皮了？