|
雙眼皮一個月分享,亦希望有經驗的比點意見
之前都有係到一直開post問關於雙眼皮資訊
8月頭終於自己私下搵左專科醫生整,佢係整埋線(因為我又唔鍾意吊線keep得一兩年再整形會痛多幾次,但又唔想割番唔到頭)埋線就話keep到五至八年(醫生講)。價錢萬六 ,其實香港朋友話算貴,台灣平好多但我無咁多時間出外地。
佢話會埋十條線左右,之後當眼皮形成疤痕就靠疤痕拉住眼廉,變成雙眼皮,線會3-4個月被人體吸收,日後疤痕平左或無力就變番原型。整時候打麻醉藥但都有小小痛,前後兩隻眼做左45分鐘。
其實我到而加都覺得會唔會割得有小小高,因為d朋友見到都話高,定係因為以前太單眼皮反差太大,朋友一睇就知我有唔妥, 但自己覺得個型幾好同對稱,不過係而加雙眼皮深,尋日覆診醫生話我未消哂腫,大概完全好番要等線完全被吸收哂先。佢話叫我慢慢等。
未整之前係好單好單好單,好似韓國果種超單眼皮但又未算肥眼皮
整完第一日好腫,大家應該都成日見E D圖
第三日
第五日
7天-之後岩岩一星期就去拆線
14天-第二星期,未算消左好多腫,果陣都幾擔心...
21天-第三星期都消左小小
30天-一個月,眼皮對比起一星期果陣消左一半左右,我覺得自己消腫算係好慢…漫長的一個月
37天 - 而加睇落就好似平時雙眼皮深種D眼皮咁,不過識我嘅朋友就一望就知整左雙眼皮,因為隻眼實在大左太多
我係完全唔介意比人知整左雙眼皮,因為明知自己以前隻眼核突,知道可以有方法變得更好係好正常,又唔係害人又唔算對傷害緊自己身體,只係一個小手術~~
其實想知大家覺得我算唔算失敗或太高/又或者而加好無睇,因為我諗如果係女仔上埋眼線化妝就岩岩好,但我男仔唔駛化妝。(因為我而加一個月,但問過有d人佢話我好似消腫算慢,等耐d時間睇)但上網成日睇d人一兩個星期就好番哂...同埋我擔心因為眼皮有脂肪所以會厚(整果陣醫生睇過話我唔駛抽脂)我有諗過如果好多人都覺得我整得太高,我有打算去整低番小小(不過埋線好似有D難度) 或者抽一抽眼兼脂肪可能會縮番上去。
但我亦未知自己完全消腫會係點, 同埋日日朝早起身都好腫,到下午或夜晚先變番薄,問左醫生佢都話會有e個情況...想睇下有無人之前都係咁,最怕以後日日朝早番工都腫...佢話我遲d好番會再消多3/4成...唔知真定假,總覺得醫生講好多野係為左安慰人
|
|